الـدَّايَــــــــــــــــــــــــــــــــــــــــــــــــــــــــــــــــــــــ الله ـمْ
قصيدة من الشعر الشعبي
كلمات الشاعر الجزائري نوار شحلاط / تسالة ميلة .
( 01 )
ساعَـفْـتَـكْ بَـزّافْ، قُـلتْ بَـلاكْ تَـتْـرَبَّـهْ
اوْعَـقْـلَيْـتَـكْ باقْـيَـهْ فَـالْمـيـزانْ وَالُـوا
عايْـشَهْ مَغرورَهْ، ماتْعَرفيشْ قِـيمَـةْ لَمْحَـبَّـهْ
تَـجْـري اوْرَا اللّـي رَبِّـي اعْــطـالُـوا
وَاللّي عَـنْدوا النِّـيَّهْ، اتْـقولي هاذيـكْ سَـبَّـهْ
مَنْ اسْـبابْ لامـيـزيـرْ وَالهَـمّْ وَامْـثـالُـوا
اتْـحَسْـبي الـمالْ هُـوَ اخْـيارْ الصُّـحْـبَـهْ
وَانْـسيـتي بَاللّي راهْ ايْـزولْ امْعَا اللّي زالُـوا
الـمالْ تَـلْـقـاهْ عَـنـدْ مَـنْ هَـبَّـهْ وَدَبَّـهْ
وَالـقْـدَرْ وَالنِّـيـفْ راهْ اقْـلـيـلْ ارْجالُـوا
( 02 )
ابْنينَا اقْصورْ امْنَ الأحْلامْ هَـدَّمْـتيها في اعْشِيَهْ
الله يَـرْحَمْ ذيـكْ لِـيامْ اللّي اقْضيـناها حالْميـنْ
كانْ جـيبي امْعاكُـمْ امْـقَـسَّـمْ بَالتَّـسْـويَّـهْ
حتّى عَـلّيـتْ شانْـكُمْ وَارْجَعْـتوا لي ناكْريـنْ
قُـدّامْ الـناسْ ديـمَا نَـلْـقاكُـمْ في وَضْعِـيَـهْ
تَتْـكَـلّموا غيرْ اعْلى الدّيـنْ وَانْـتُمْ كافـريـنْ
راني مَتْـعَجَّبْ مَنْ احْـياتْـكُمْ اللّي مَمْـلِـيَّـا
بَالطّـمَعْ وَالنِّـفاقْ ، وَاعْـليهُـمْ ديما ساهـريـنْ
وَقْـتاشْ اتْـعَرفـوا قِـيمَـةْ الأحْلامْ الوَرْديَّـهْ
يَـا اللّي تَـدّاعـاوْ بَـالعِـلـمْ وَانْـتُمْ جاهـليـنْ
( 03 )
رانـي صـابَـرْ ، الـدّايَــمْ الله الـعالـي
الشّـدَّهْ اتْـزولْ وَايْـزولُـوا اجْـميـعْ لَـمْـحانْ
كُـنتْ انْـقـولْ : الله يَـسْتـرَكْ يا اغزالـي
كُـنتْ انْـقولْـهَا ديـمَا وَانَـا عايَـشْ عَـمْـيانْ
الـيُـومْ شافَـتْ عيـنَـيَّـا النُّـورْ اقْـبالـي
وَاخْطـيتْ الطّـريـقْ اللّي كُـنتْ فـيهْ حَـفْـيانْ
المَـجْـدْ اللّي تَـتْمَـنّاوَهْ ..راهْ بـيتْ خالـي
اكْـثيـرْ الـناسْ فـيهْ راحْ اقْـدَرْهُـمْ مـا بَـانْ
أنَـا مَنْ عَـشْـقَـكْ اخْلاصْ ارتـاحْ بَـالـي
اوْقـادَرْ انْـعـيـشْ ابْـلاَ بـيـكْ فـي أمــانْ
( 04 )
ضَيَّعْتِ حُبّي، واشْ مَنْ قَـلبْ يَبْـقى ايْحَـبَّـكْ
كُـلّ الشُّـبّـانْ مـا بْـقـاشْ يَـامْـنُـوا فـيـكْ
اعْمَـلْتِ احْـسابْ باشْ نَبْـقى ديـما عَـبْـدَكْ
لكنْ هَـيْهاتْ .. راني مابْـقيـتْـشْ نَحْـلَمْ بـيـكْ
قَـلبي صافي، اوْعِـشتْ ازْمانْ بـيهْ انْعَـبّرْ لَكْ
وَانْتِ ما اعْـرَفْـتيـشْ واشْ مَعْـنَى صافي لـيـكْ
حاوَلتْ انْـرَضّـيـكْ لكنْ ما بْـغاشْ قَـلْـبَـكْ
داوي قَـلْـبَـكْ اللّـي امْـعَـقّـدْ الله يَـهْـديـكْ
ما تْـقـوليشْ راني نَكْـتَبْ ..طالبْ نَـرْجَعْ لَكْ
راهْ افْـراقَـكْ وَرّاني اطْـريـقْ ابْـعيـدْ اعْـلـيكْ
( 05 )
لَـقْـدَرْ بـيـناتْـنَـا اتْـكَـسَّـرْ كي الزّجاجْ
مـا بْـقـاشْ يَـتْـصَـلَّحْ مَهْـما كانتْ لَـحْــوالْ
لُـوكانْ انْـعيـشْ طـولْ عُـمري مَـحْـتاجْ
يَـبْـقَـى قَــدْري غـالـي عَـنْـدَ الْـعُـقّـالْ
وَانْتِ لُـوكانْ تَـكَّـسْبي فـيلاّتْ ..وَلاّ فـيلاجْ
قَـدْرَكْ رانـي شـايْـفُـوا مَـرمي فـي لَـوْحــالْ
اغْـناني الله بَـالْـقَـناعَـهْ ، هِـيَ لَــعلاجْ
لْـكُـلّ امْـشَـحَّـهْ وَامْـحَـبَّـهْ زايْـدَهْ لَـلْــمالْ
الكَـرامَـهْ نَـعْرَفْ اطْـريـقْـها ديما وَهّـاجْ
وَانْـتُـمْ اتْـشُـوفُـوا اطْـريـقْـها اجْــــبَـالْ ؟
( 06 )
القـيـمَهْ بـينْ الناسْ بَـالقُـولْ وَالْـفــعالْ
وَاللّي ايْـقولْ ابْـغيـرْ افْـعالْ عَـنْـدَ الله مَـذمـومْ
كُـلّ اكْـلامْ اصْـحيـحْ يَبْـقى ديما يَـنْـقالْ
وَاللّـي مَـبْـني اعْـلَى الـرّيـحْ مُـحـالْ ايْــدومْ
اللّي ايْـديـروا المَـعْروفْ قاصْديـنْ لَـحلالْ
اثْــوابْــهُـمْ عَـنْـدَ الله الـحَـيّْ الـقَــيُّـومْ
وَانَا دَرتْ القـيمَهْ لْناسْ عايْـشينْ في لَخْـيالْ
ما يَعَـرْفـوشْ غيرْ لَـوْهـامْ، كلّ واحدْ فيها ايْـعـومْ
ايْـبيعوا القَردْ ..وَايْضَحكوا عَاللّي اشْراهْ بَالمالْ
اوْ ضَـميـرْهُـمْ – الدّايَـمْ الله – راهـوا مَــعْـدومْ
( 07 )
الطّـريـقْ لَـمْسَـقّـمْ ايْـقولُـوا راهْ مايَـلْ
وَالطّـريـقْ لَـمْعَـوّجْ اصْـبَـحْ الـيومْ مَـشْـهـورْ
اوْ مُولْ الخـيرْ اصْبَحْ ايْـسَـمّوهْ بـوزْبايَـلْ
وَاللّـي يَـخْـدَمْ الشَّـرّْ تَـلْـقـاهْ ديـمَا مَـشْـكـور
اللّي اقْـبيـحْ امْعَا الناسْ في كُـلّ لَـفْـعايَـلْ
مَـهْـمَا يَـفْـعَـلْ ذَنْـبُـوا عَـنْـدَهُـمْ مَـغْـفـورْ
وَاللّي ما يَكذَبْ، ما يْـخونْ، ما يَبْغي ابْـطايَـلْ
قَـبْـروا وَسـطْ نـاسـوا راهْ ديـمَا مَـحْـفـورْ
هـذا الزّْمـانْ اتْـعيـشْ فـيه كُـلّ الرّْذايَـلْ
وَالصّْـوابْ ما ابْـقى مَـنّوا غيرْ اقْـلـيلْ اوْمَـنْـكورْ
للشاعر: نوار شحلاط
قصيدة من الشعر الشعبي
كلمات الشاعر الجزائري نوار شحلاط / تسالة ميلة .
( 01 )
ساعَـفْـتَـكْ بَـزّافْ، قُـلتْ بَـلاكْ تَـتْـرَبَّـهْ
اوْعَـقْـلَيْـتَـكْ باقْـيَـهْ فَـالْمـيـزانْ وَالُـوا
عايْـشَهْ مَغرورَهْ، ماتْعَرفيشْ قِـيمَـةْ لَمْحَـبَّـهْ
تَـجْـري اوْرَا اللّـي رَبِّـي اعْــطـالُـوا
وَاللّي عَـنْدوا النِّـيَّهْ، اتْـقولي هاذيـكْ سَـبَّـهْ
مَنْ اسْـبابْ لامـيـزيـرْ وَالهَـمّْ وَامْـثـالُـوا
اتْـحَسْـبي الـمالْ هُـوَ اخْـيارْ الصُّـحْـبَـهْ
وَانْـسيـتي بَاللّي راهْ ايْـزولْ امْعَا اللّي زالُـوا
الـمالْ تَـلْـقـاهْ عَـنـدْ مَـنْ هَـبَّـهْ وَدَبَّـهْ
وَالـقْـدَرْ وَالنِّـيـفْ راهْ اقْـلـيـلْ ارْجالُـوا
( 02 )
ابْنينَا اقْصورْ امْنَ الأحْلامْ هَـدَّمْـتيها في اعْشِيَهْ
الله يَـرْحَمْ ذيـكْ لِـيامْ اللّي اقْضيـناها حالْميـنْ
كانْ جـيبي امْعاكُـمْ امْـقَـسَّـمْ بَالتَّـسْـويَّـهْ
حتّى عَـلّيـتْ شانْـكُمْ وَارْجَعْـتوا لي ناكْريـنْ
قُـدّامْ الـناسْ ديـمَا نَـلْـقاكُـمْ في وَضْعِـيَـهْ
تَتْـكَـلّموا غيرْ اعْلى الدّيـنْ وَانْـتُمْ كافـريـنْ
راني مَتْـعَجَّبْ مَنْ احْـياتْـكُمْ اللّي مَمْـلِـيَّـا
بَالطّـمَعْ وَالنِّـفاقْ ، وَاعْـليهُـمْ ديما ساهـريـنْ
وَقْـتاشْ اتْـعَرفـوا قِـيمَـةْ الأحْلامْ الوَرْديَّـهْ
يَـا اللّي تَـدّاعـاوْ بَـالعِـلـمْ وَانْـتُمْ جاهـليـنْ
( 03 )
رانـي صـابَـرْ ، الـدّايَــمْ الله الـعالـي
الشّـدَّهْ اتْـزولْ وَايْـزولُـوا اجْـميـعْ لَـمْـحانْ
كُـنتْ انْـقـولْ : الله يَـسْتـرَكْ يا اغزالـي
كُـنتْ انْـقولْـهَا ديـمَا وَانَـا عايَـشْ عَـمْـيانْ
الـيُـومْ شافَـتْ عيـنَـيَّـا النُّـورْ اقْـبالـي
وَاخْطـيتْ الطّـريـقْ اللّي كُـنتْ فـيهْ حَـفْـيانْ
المَـجْـدْ اللّي تَـتْمَـنّاوَهْ ..راهْ بـيتْ خالـي
اكْـثيـرْ الـناسْ فـيهْ راحْ اقْـدَرْهُـمْ مـا بَـانْ
أنَـا مَنْ عَـشْـقَـكْ اخْلاصْ ارتـاحْ بَـالـي
اوْقـادَرْ انْـعـيـشْ ابْـلاَ بـيـكْ فـي أمــانْ
( 04 )
ضَيَّعْتِ حُبّي، واشْ مَنْ قَـلبْ يَبْـقى ايْحَـبَّـكْ
كُـلّ الشُّـبّـانْ مـا بْـقـاشْ يَـامْـنُـوا فـيـكْ
اعْمَـلْتِ احْـسابْ باشْ نَبْـقى ديـما عَـبْـدَكْ
لكنْ هَـيْهاتْ .. راني مابْـقيـتْـشْ نَحْـلَمْ بـيـكْ
قَـلبي صافي، اوْعِـشتْ ازْمانْ بـيهْ انْعَـبّرْ لَكْ
وَانْتِ ما اعْـرَفْـتيـشْ واشْ مَعْـنَى صافي لـيـكْ
حاوَلتْ انْـرَضّـيـكْ لكنْ ما بْـغاشْ قَـلْـبَـكْ
داوي قَـلْـبَـكْ اللّـي امْـعَـقّـدْ الله يَـهْـديـكْ
ما تْـقـوليشْ راني نَكْـتَبْ ..طالبْ نَـرْجَعْ لَكْ
راهْ افْـراقَـكْ وَرّاني اطْـريـقْ ابْـعيـدْ اعْـلـيكْ
( 05 )
لَـقْـدَرْ بـيـناتْـنَـا اتْـكَـسَّـرْ كي الزّجاجْ
مـا بْـقـاشْ يَـتْـصَـلَّحْ مَهْـما كانتْ لَـحْــوالْ
لُـوكانْ انْـعيـشْ طـولْ عُـمري مَـحْـتاجْ
يَـبْـقَـى قَــدْري غـالـي عَـنْـدَ الْـعُـقّـالْ
وَانْتِ لُـوكانْ تَـكَّـسْبي فـيلاّتْ ..وَلاّ فـيلاجْ
قَـدْرَكْ رانـي شـايْـفُـوا مَـرمي فـي لَـوْحــالْ
اغْـناني الله بَـالْـقَـناعَـهْ ، هِـيَ لَــعلاجْ
لْـكُـلّ امْـشَـحَّـهْ وَامْـحَـبَّـهْ زايْـدَهْ لَـلْــمالْ
الكَـرامَـهْ نَـعْرَفْ اطْـريـقْـها ديما وَهّـاجْ
وَانْـتُـمْ اتْـشُـوفُـوا اطْـريـقْـها اجْــــبَـالْ ؟
( 06 )
القـيـمَهْ بـينْ الناسْ بَـالقُـولْ وَالْـفــعالْ
وَاللّي ايْـقولْ ابْـغيـرْ افْـعالْ عَـنْـدَ الله مَـذمـومْ
كُـلّ اكْـلامْ اصْـحيـحْ يَبْـقى ديما يَـنْـقالْ
وَاللّـي مَـبْـني اعْـلَى الـرّيـحْ مُـحـالْ ايْــدومْ
اللّي ايْـديـروا المَـعْروفْ قاصْديـنْ لَـحلالْ
اثْــوابْــهُـمْ عَـنْـدَ الله الـحَـيّْ الـقَــيُّـومْ
وَانَا دَرتْ القـيمَهْ لْناسْ عايْـشينْ في لَخْـيالْ
ما يَعَـرْفـوشْ غيرْ لَـوْهـامْ، كلّ واحدْ فيها ايْـعـومْ
ايْـبيعوا القَردْ ..وَايْضَحكوا عَاللّي اشْراهْ بَالمالْ
اوْ ضَـميـرْهُـمْ – الدّايَـمْ الله – راهـوا مَــعْـدومْ
( 07 )
الطّـريـقْ لَـمْسَـقّـمْ ايْـقولُـوا راهْ مايَـلْ
وَالطّـريـقْ لَـمْعَـوّجْ اصْـبَـحْ الـيومْ مَـشْـهـورْ
اوْ مُولْ الخـيرْ اصْبَحْ ايْـسَـمّوهْ بـوزْبايَـلْ
وَاللّـي يَـخْـدَمْ الشَّـرّْ تَـلْـقـاهْ ديـمَا مَـشْـكـور
اللّي اقْـبيـحْ امْعَا الناسْ في كُـلّ لَـفْـعايَـلْ
مَـهْـمَا يَـفْـعَـلْ ذَنْـبُـوا عَـنْـدَهُـمْ مَـغْـفـورْ
وَاللّي ما يَكذَبْ، ما يْـخونْ، ما يَبْغي ابْـطايَـلْ
قَـبْـروا وَسـطْ نـاسـوا راهْ ديـمَا مَـحْـفـورْ
هـذا الزّْمـانْ اتْـعيـشْ فـيه كُـلّ الرّْذايَـلْ
وَالصّْـوابْ ما ابْـقى مَـنّوا غيرْ اقْـلـيلْ اوْمَـنْـكورْ
للشاعر: نوار شحلاط
