فى زمن السكات
والحرف باكي بألم وسنيني ما بتسمّع
يا عايشين طب فين باب الهروب اهرب
بحلم اعيشلي يومين تحت السما افرح
بس الاهات بتذيد
بين الحواري شريد سكران وبطوّح
ملعون يا حرفي انا والشعر مابينفع
السطر مال ع الورق ماشي بيدّلع
شاعر بقول حكايات فيها العظه بدفع
من جرحي طال الليل والشمس ما بتطلع
عايش بحرف جريح باكي ومتوجّع
يا دنيا فيكي العجب فيكي الاهات تلسّع
فيكي اللى عاش مزلول فيكي ومترفّه
فيكي الفقير مطحون فيكي العذاب اكتر
ابن الفقير مشتاق شيكولاته او سكر
قد يعجبك ايضا
ملعون ابوك يا فقير لو يوم كده تفكر
انك تكون انسان عايش ومتغندر
زمن السكات يا سكات
فوق الشفاه بسواد
والحبر وبيبكي ملعون يا حرفي انا
لو تانى يوم تشكي
زمن السكات والداء جوة العروق يمشي
ملعون يا شعري انا ملعونه يا قصدتي
لو حرفي يوم يرقص فوق الضمير يمشي
شاعر وشعري صريح ولا حرفي يوم يزني
ولا ليا فى التعرض ولا كنت يوم عمري
شاعر بقول اشعار لقبي انا المصري
بقلم الشاعر المصري / احمد ابراهيم
مجبة النبراس- مجلة أدبية إلكترونية
