أسباب لجوء الشعراء إلى توظيف الرمز إعداد: الأستاذة خديجة دربال

ق/قلبي بينادي عليك

يا حبيبي 
طال غيابك
والفؤاد بعدك
عليل

كل ما اسأل
إيه اللي جابك
إيه اللي خلاني
أميل

افتكر نظرة عيونك
والكلام اللي سمعته
خلي قلبي ليك
يميل

بس يخسارة ياقلبي
الغرام والحب قصة
كل خطوة بألف
ميل

تنكوي منا المشاعر
تبتدي الايام تلاوع
تنقتل منا الاماني
في زمان طبعه
بخيل

ليه نفكر في الفراق
واحنا مش طيقين
بعادنا
ليه يكون بنا
رحيل

تفتكر هقدر اسيبك
وانت روحي
ملك ايدك
البعاد ده
مستحيل

شوف دموعي
راح تجاوبك
بين ظلام قسوة ليالي
نبض قلبي ليك
دليل

لو تسبني الروح
ما اسيبك
لسه باقي في غرامنا
سكة مشورها
طويل

افتكر لما اتوعدنا
عل الجراح اللي ما بنا
راح نداويها بامل
عشق اشوقنا
الجميل

كان غرامنا شمس تحيي
فجر عاش بين المحال
ينتظر دقة قلوبنا
لما تبداء بالامال
بين دموع بدأت تسيل

لو ينسينا الزمان
شوق قلوبنا السهرانين
راح نلاقي الف سكة
نمشي فيها بالاماني
بين حنين ضي النخيل

يلا نهرب من زمانا
بين دروب حلم الخيال
سبني احلم بين ضلوعك
سبني عيشه بالامال
اوعي للاحزان تشيل

بوعدك نوصل لبكره
مستحيل نقبل بذكري
تبقي حلم بقلب ماضي
تهتدي بها السنين
مستحيل أقبل بديل

يلا ننسي ليالي قاسية
اصل أنا للحزن ناسية
كل حاجه يوم سبتني
هنسي إني حلمت بيها
في زمان قاسي وبخيل

جوه قلبي لسه طفله
تنسج الاحلام بغنوة
تلتقي فيها الاماني
بين دروب نبض الامل
عشت بحلم بيك طويل

يلا خودني بين ضلوعك
نسّي قلبي لون دموعك
اللي انا اوقات بكتها
وانت غايب في الحياة
عشت بعدك الف ويل

خودي ايديا بين ايدك
سبني دايبة بشوق عينيك
لو تغيب بسمة شفايفك
بين ضلوعي بلقي وحشة
عايشه جوه ظلام وليل

يلا ننسي كل ماضي
نوصل العمر اللي باقي
بين غرام وحنين ورقة
شوق مشاعر حالة نادرة
تبتدي الافراح تميل

عمري ما فقدت الامل
في الاماني الطيبة
والمشاعر والامال
عشق ما يعرف محال
رافضة كلمة مستحيل

آه يا قلبي من غرامه
رجع النبض لمكانه
ضحكة من عينه لقلبي
خلت الاشواق تغير
الهوي والشوق جميل

سبني طايرة بين جفونه
سيب هوايا يعيش جنونه
ده الحنان والحب لونه
اللي غرقني في بحره
والشجون أكبر دليل

بعشقك
انا ديبة فيك
والخصام بنا حرام
اوعي تقسي بالكلام
اصلي عنك مش هميل

بعشقك
يا اجمل جميل

بعشق النبض
الاصيل

لو رضيت ببعادي عنك
مستحيل اقبل دخيل
ك/أحمد عبد الرحمن صالح أحمد