هفضل انا
بعد الحب اللى كان
جاى تقولى نفترق
ومش مقدر حبى ليك
قلبى الی غرق
فى بحر حبك
وعشق القمر
حبك قدر
و مستحيل يمحيه بعاد
مهما بعت
وفرقت بينا بلاد
أنا بنصهر
فى حضن مليان بالدفا
فين الوفا!!!
اللى الزمان استكتره علیا
وعذاب فراقك عكره
جاى النهاردة بالقرار
و عاوزنى أقبل اعتذار
طب قولى ليه؟!!
خد الليالى عليه دموع
بايديك طفيت كل الشموع
بعد السعادة الملهمه
تبقى النهاية مؤلمة
و تحكم عليا بالفنا
طب ليه أنا
فى قلبى طارحه سوسنه
برويها من حبك هنا
وأن جيتلى بعد ميت سنه
ها فضل أنا
قارب نجاه
سر الحياة
ايدى اللى تمسح دمعتك
مخدتك وسبحتك
شمعه تنور دنيتك
و ربيع يخضر جنتك
للشاعره: می عادل
