حلمت حلم جميل
وسألت ع التفسير
قالولي دي أوهام
حلمك يا بنتي في بير
او حتي لغز كبير
مجاش في يوم في منام
سمعت الكلام و سكت
وقولت انا عارفة
لسه الحياة قدام
نشوفه هيتحقق
ولاهيبقي كلام
بحلم اعيش
بحلم وحلمي جواي
وميعبيش اصل حلمي
اني أعيش
حتي وانا لسه صغير
حلمت بدينتي سهلة
ما تتعبنيش
حلمت اني عصفور
بجناح وريش
طاير يحلق في السما
ميهمنيش
اشوف الليل في سكونة
ولا يهبنيش
اشوف الشمس وبنورها
ما تحرقنيش
بحلم اعيش
لولادي اكون ضامن
رغيف العيش
وفي علاجهم وتعليمهم
مقولش مفيش
بحلم اعيش
بحلم يكون فيه ضمير
لكل قلب ضرير
ميشوفش غير الغدر
بحلم نعيش للغير
ونمد الايد الخير للي عايزها بجد
بحلم مشوفش فساد
ما هو اصل ده افساد
في حياتنا للأحفاد
بحلم بسيف الحق
يشق الظلم شق
ويبقي للمظلوم
فيه ألف ايد تتمد
ومهما كان الظالم
يقام عليه الحد
بحلم اعيش
أكون فارس
علي أرضي
واقف حارس
اشيل اخواتي
في عيوني
أنا لونهم وهم لوني
وبيهم اطيب جروحي
ما هم اخواتي
سكن روحي
واقف علي رجلي
من تاني
وقوم اتحدي احزاني
بحلم اعيش
بحلم اكون انسان
يبقالي بر أمان
في زحمة النسيان
بحلم أعيش
أنا انسان
انا عصفور
انا حارس
انا المقهور
ما يهمنيش
مين اكون
هحلم أعيش
هحلم أعيش