لما تهرب من مشاكلك
تيجي علي القلب اللي شكلك
ترمي نفسك جوَّا حضنه
تجري بدموعك عليه
ترسم الأحلام في كفُّه
تعمل انك.. قال في صفُّه
وامَّا أيامك ..... يلفوا
تهجره وتسيب إيديه
اللي عمره راح عشانك
اللي مرة ماداق حنانك
وكل مرة يفوز رهانك
واللي.. بتراهن عليه
تنسى إنُّه ياما شالك
نفسه مرة تقول له مالك
عمره ما بيخطر في بالك
وجعه يبقى أد ايــه
تاخدك الأيام بعيد
المهم تعيش سعيد
وف بعادك ايه يفيد
جرحه ولا دموع عنيه
وامّا بتحس.. بآهات
تجري ليه من سكات
تشتكيله م اللي خانك
ع اللي فات بتبكى ليه؟
يجى ويطبطب عليك
يمسح الدمع ف عينك
تروي قلب أرضه بارت
لماايديك سابت إيديه