فلسفه
جرئ الحب احيانا
واحيانا يكون مجنون
ومتوهم ساعات الفرح
واحيانا يموت بظنون
واحيانا يموت م الخوف
عشان قلقان من التوهان
وبرضه يموت عشان مكسوف
يعيش الحزن والحرمان
غريب الحب ف قلبنا
وبيكمل وهو غريب
ومستحمل عشان راضى
وبرضك راضى بالتعذيب
ويسمع كلمتين حلوين
خلاص تحلو ايامه
وبعديها يحس انين
فتبقا الضلما ادامه
ويفضل ف الحنان يحلم
ويتعشم يعيش ف النور
ياريته م البعاد يسلم
ويلقا الفرحه من غير سور
جرئ الحب بجنونه
ومجنون لو يعيشها جرئ
ولو تلقى ف مكنونه
هتلقا البر اصله غريق
ومتحير ما بين قلبين
وتفضل دقته وخداه
ويتجنن عشان اتنين
سبوله ياعينى وجع الاه
فمتحير ومتغير
ومتبدل ومدور
ومتشكل ب ألفين لون
ومتغرب وبيغرب
ويبعد حتى لو قرب
ويستغرب سعات اللوم
لكنه اكيد
ويفضل يسال التوكيد
ويتمسك بحرفين حب
لكنه لسه مالى القلب
لانه ضحكة الدنيا
وبيدور سعات ف طريق
لانه حتى ف جنونه
بيبقا جرئ
خالد صبحى
