الله مدد
لمي توبك ده الليالي معتمين
والسواقي في أرض بور مكسورين
والشقوق فيها اللي فيها من أنين
اه يا صبرة اه يا صبرة ع السنين
توبك وشارب لون خريف واللون حزين
جوة ف عيونك الف دمعه
بغدر ساكن ع الرموش
واغتصابك كان بإيد مابيرحموش
اه يا صبرة ع البكي طول يا سنين
بعد ما كان
خدك ورود متلونين
غطي الخريف لون الخدود
ايوة شايف لون عنيكي الدبلانين
وف شفايفك لون عتاب
بس كان بأديه ايه غير دموع
علي خد عمري مغرقين
واحد انا عايش في وسط المسلوبين
ريحة عطورك
خدك شفايفك حضنك ونورك
وانا اعمل ايه
يا حبيبتي وخداني السنين
مكسور وبصرخ بالأنين
شايفك جريحه
وايديه لسه ف الاساور متكتفين
بصرخ وعايش
وسط بحر فيه حيتان متجمعين
وية ريح كسرة الشراع
والليل طوووووووووووووووووويل
والبرد ساكن ف الجسد
والله مدد الله مدد الله مدد
يونس وقال سبحان ربي اني كنت
م الظالمين
ارحم يا رب العالمين
انت الصمد وانت المدد
الله الله الله أعظم مدد
بقلم الشاعرالمصري / احمدابراهيم
