شهادتى ع العصر الهباب من غير زواق
(1)
أصعب قرار
==========
منولوج حوارى بين مجموعه من المصريين حول الانتخابات البرلمانيه وما يحدث فيها
(1) : بعد التحيه والسلام .... والْابتسامه طيبون ؟
وقبل ما ياخدنا الكلام .... إحنا أتفقنا ... علشان ولادنا
الروح تهون .... وأنا بس ليا عتاب عليكوا ....مش
إتفقنا على الصراحه ؟
(2) : وجدى قال لى من زمان
(2)و (3) : لك فى الاْصول والحق راحه
(1) : معقوله بعد ما مات كتير.. وإتجًرحت منا الاْلاف
وخرجنا طالبين التغيير.... حتى الحريم ولا حد خاف
نيجى النهارده نعيده تانى ... ونتوه ونمشى ورا الاْغانى
معقوله يبقى الديب غزال ؟.... مهما حلف أو مهما قال
(2) : عن مين كلامك وضحه
(3) : لو فيه غلط هانصححه
(2) : وإحنا الكلام فى عرفنا ... قسم وعهد لربنا ... نوفيه
ولو راحت رقاب
(2)
(3) : ما هو إنت واحد مننا .... وأكيد وا صَلك طبعنا
(2) : يعنى إنت عارف إيه الجواب
(1) : أكيد أكيد ... وإنتوا المحبه فى قلبى بعتابكم تزيد
(2) : طب قول لنا ... نورنا حقك عندنا
(3) : إيه إللى شايفه وزعلك قوى مننا ؟
(2) : معقوله نمشى بضهرنا ... قفانا مطرح وشنا
(3) : دا كلام تقولوا فى حقنا ؟
(2) : إيه إلحكايه ... نورنا يابن عمنا ... دا كلام مفور
دمنا .... قفانا مطرح وشنا ؟ (يحاول أن يرى قفاه )
(1) : إحنا عملنا أأه كده ... وخالفنا قولنا بفعلنا
(2) : دا كلام كبير ... دا لو حصل ؟ بالطين نلطخ وشنا
(3) : نلبس طرح ونجيب عيالنا تزفنا
(1) : العفو ... لاْ محفوظ مقامكم عندنا.... كل الحكايه.
إن إحنا زقينا قطر .. ما كانشى ماشى ... وأما
مشى بنشده تانى لعندنا
(2) : قطر إيه ؟ وسكه حديد ... ما تقول لنا كلام مفيد
(3) : ها يقول لنا ... ماتقول لنا الصبر شطب مننا
(1) : كل الحكايه إن إحنا قمنا بثورة ليه ؟ .. غيرنا إيه ؟
(3)
(2)و (3): النظام
(1) : والنظام يعنى سستم ماشيين عليه ... وخلاص قدم
راحت عليه ... وطبيعى يبقى نغيره
(2) : ما خلاص خلصنا ومشيناه ... وبدأنا أهو العهد
الجديد
(1) : لاْ .. لسه لسه الطريق طويل
(3) : فهمنا قصدك ... عاوز تقول إن إحنا
ما إستوعبنهوش ... ما هضمنهوش .. لك حق طبعا
(1) : نفس الطريقه فى الانتخاب .. هباب هباب ... فيه
ناس بتدخل الإنتخاب تملى الكروش
(2) : أيوه أأأه نفس الوشوش ...
(3) : هما دول ما بييأسوش ؟
(1) : طب وإحنا فين ؟ ونرضى ليه نرجًع وحوش ؟
إللى يسرق خيرنا ليه ما بنفضحوش .... وإللى
تيجى رجله يبقى مانرحموش .... ودا عهدنا
ها نجيب غريب يقول لنا ... دول عملوا إيه فى
أرضنا ... طب إسمعوا وياريت تعو
الكورال : إللى سرقوا الارض منا هما دول
(4)
ح (1) : دى أرض بور ...
الكورال : دا إنت بنيت على حسها قصور قصور
ح (1) : عمرتها .... غلطت يعنى ؟
الكورال : كمرتها ... سقعتها .... وسايبنا نسكن فى القبور
ح (1) : دا غل منكوا فى الصدور ... و شطارة من تاجر
صبور
الكورال : دى صورة من صور الفجور .. ريحنا منك روح
وغور .... وأدى إللى باع جوابات دوانا وسلمنا
للموت بالطابور
ح (2) : ماهو برضه ناس منكوا إستفادت .. مش برضه ناس؟
الكورال : ( للجمهوربإستهزاء) كان قصده خير ... ماقبضشى يعنى
تمن الضمير ... وبدل ما بيشرع قانون يحمينا بيه ...
شغلنا ليه وهو إستفاد ... على دمنا أهوكرشه زاد ...
يا ويلكوا من رب العباد .... ودا مين كمان ؟
ح (3) : أنا مين بقى ؟ أنا لعبتى ويا البنوك .... لعبه كبيرة ...
ملكومشى فيها .... بالعربى لعبى مع الكبار
الكورال : حمار.. حمار ... وفاكرنا زيه ... هى البنوك فلوسها
يعنى فلوس قمار؟ ماهى ملكنا ... وفلوسها دى من
(5)
دمنا ... إرحم عقولنا وفهمنا ... إنتوا بجشعكوا
سرقتوا خيرها مننا ... ودا يستحق القتل شنقا
(2) : لاْ .. يستحق القتل خنقا
(3) : تفرق كتير ؟... المهم يموت وننضف
ح (4) : ليه بقى عملت إيه ؟ دا أنا سمعتى زى القزار
نضيف وماشى بإعتزاز
الكورال : محروق بجاز .... دا إنت إللى جبت لنا المرض
بتخاف علينا المفترض ... والممنوعات ؟
ح (4) : أنا معترض ... دا كيف بأمنجه بيه العباد ... وأهم
( يشير الى الجمهور ) كتير أهو مبسوطين ومصهللين
الكورال : دى وقعه طين ... نائب وتاجر فى الحشيش ....
فين الشاويش ... دا شباب كتير راحوا فطيس
ح (4) : دا عمرهم بس إنتهى ... ما إستحملوش المنجهه
أنا ذنبى إيه ؟ فى حد جانى وكنت ضاربه على إيديه
الكورال : والله الضمير فيكوا إنعدم ... وما عادشى ينفع الندم
والله الضمير فيكو انعدم ... وما عادشى ينفع الندم
(1) : بس نتعلم ياناس ... وبلاش يعاملونا مداس ... إحنا
إللى ركبنا الخسيس على كتفنا ... قلنا له أسرق حقنا
(6)
والاسم جاى بالانتخاب
(2) : أيوه ضحكوا على الدقون
(1) : لا خدعنا نفسنا ... بلاش نعيش دور الضحيه ...
والحل سهل قوى وبسيط
(2) : الحل إيه ؟
(3) : سهل وبسيط ... طب قول لنا
(1) : بلاش مجامله .... وقريبى أولى ... ودا له تاريخ
ودا م العتاوله ... إللى يصلُح يبقى أولى ... لازم
ندقق فى اختيارنا ... ويكون صالحنا هدف قرارنا
(2) : دا كلام مهم .... وبلاش مصالح ضيقه ... وحصانه
تبقى محندقه
(3) : أيوه الحصانه تحت سقف البرلمان ... مش على اولى
الكورال : الحصانه تحت سقف البرلمان ... دى مش وسيه
إللى صاحب رأى عاوزينه فى أمان ... كان موافق كان
معارض له مكان .... هانشيله فوق الراس وفى الننى كمان
دى أمانه .... وإللى قد حملها ... يظهر يبان ... وإللى جاى
لمنظرة أو مصلحه ملهوش مكان .... ودى الْاصول ...
بنقولها لاصحاب العقول ... وإللى خايف ع البلد دى
(7)
ايده ف ايدينا علشان نعدى ...ونحول الليل للنهار
وأهو ده القرار
محمد قنديل
تعليقات
إرسال تعليق