القائمة الرئيسية

الصفحات

أحدث المواضيع

وضحت الصورة /احمد طلبه


وضحت الصورة 

كتير منا يعيش الحلم
وفجأة نحس إنه كابوس
وأغلي الناس بيتطلع وهم
ويبقي الحب له ميئوس
وبنداري في أوجعنا
ولا في حد يسمعنا
وليه الدنيا تجمعنا
بحاله حب مش محسوس
أنا من جوه مكسوره
واخبي طبعاً الصوره
عشان مايحس يوم إني
بجد بسببه مقهوره
واداري فيا أوجاعي
وهو حتي ولا واعي
ودلوقتي مفيش داعي
أعيشله عمري مجبورة
أنا إنسانه ليا كيان
ولا هقبل بسببه أتهان
لاعمره يكون ولا كان
أكون بسببه منهوره
بجد هو مَش مضمون
لا بيسامح ولا بيصون
ومش معني غلوته تهون
يقول عليا مغروره
تعبت معاه أنا وقلبي
ومش قادره كده أخبي
حقيقي هو أه سلبي
وصورته فيا مكسوره
لا حسسني براحه معاه
ولا حنيه من جواه
ومش هو اللي بتمناه
أظن واضحت الصوره

========
احمد طلبه ربما تحتوي الصورة على: ‏‏شخص واحد‏، و‏‏نص‏‏‏