من الليلادي / الشاعر : رمضان عبد الله احمد - مصر -

من الليلادي 

من الليلادي الكلام مش ليك
ولا تاخده تاني أبدا عليك ....
كلامي بقى بعيد عن قلبك ......
وأنا اللي كنت عايش فيك .....

أنا عن نفسي هابعد بعيد
لاني حابك تبقى سعيد
وروحي هتكون وياك...
هايمه على طول حواليك ...

احساسنا ضلً في منتهاه
والنبض بينا تاه معناه
والحب كلمه بقت تقيله
على قلوب تحتاج تسليك

كل اللي كان خلاص نسيته
وانت بإيدك اللي نهيته
واجتهدت انًك... تنهيه
من كل قلبي...الله يهنيك

بقلمي /رمضان عبد الله احمد