في حلم عابر
لما غابت شمسي عني
وابتدا الليل يطول
فجأة راحت روحي مني
والمنام جوة الجفون
جالي ابويا وقال سلام
قولت ابويا ازاي يقوم
أصله ميت من زمان
قالي ياابني ازي حالك
بص ليا وقالي مالك
مش بعاده دمع عينك
قولت يابا الحمل ذاد
والدموع اللي في عيني والسكات
ايوة خايف يوم أموت
يتشردوا كل الولاد
ايوة يابا ده الحياه فيها الشتا
صعب وطويل نفسي أعيش
باقي عمري بس يابا
الحزن واكل كل جسدي
ايوة يابا محني ظهري
والاهات فوق الجبين
شوفت دمعه فى عين ابويا
مد أيدوا وخد ايدايه قالي ياابني
الله كريم هو خالق كل شئ
وبأيديه طبطب عليا
قولت يابا كتير وحشني
انت فينك من زمان
قالي ياابني في جنه عايش
فيها مزروع الأمان فيها مكتوب الحنين
مد أيدوا تاني ليا وقال وداع
قولت يابا اروح معاك
قالي ياابني لسه دورك
لما تشتقلي هزورك
بص ليا وقال سلام
حلم عابر كان منام كان منام
بقلم الشاعر / احمدابراهيم
لما غابت شمسي عني
وابتدا الليل يطول
فجأة راحت روحي مني
والمنام جوة الجفون
جالي ابويا وقال سلام
قولت ابويا ازاي يقوم
أصله ميت من زمان
قالي ياابني ازي حالك
بص ليا وقالي مالك
مش بعاده دمع عينك
قولت يابا الحمل ذاد
والدموع اللي في عيني والسكات
ايوة خايف يوم أموت
يتشردوا كل الولاد
ايوة يابا ده الحياه فيها الشتا
صعب وطويل نفسي أعيش
باقي عمري بس يابا
الحزن واكل كل جسدي
ايوة يابا محني ظهري
والاهات فوق الجبين
شوفت دمعه فى عين ابويا
مد أيدوا وخد ايدايه قالي ياابني
الله كريم هو خالق كل شئ
وبأيديه طبطب عليا
قولت يابا كتير وحشني
انت فينك من زمان
قالي ياابني في جنه عايش
فيها مزروع الأمان فيها مكتوب الحنين
مد أيدوا تاني ليا وقال وداع
قولت يابا اروح معاك
قالي ياابني لسه دورك
لما تشتقلي هزورك
بص ليا وقال سلام
حلم عابر كان منام كان منام
بقلم الشاعر / احمدابراهيم