حفظ الجميل .. للشاعر فاروق الباشا

حفظ الجميل .. فاروق الباشا

حسبى الله عليك
ياناكر العيش والملح
شرانى خبير
وقادر كمان على الردح
الباطل تحوله حق
ولو باين زى الصبح
والغلط بالفهلوة
وبالعافية تخليه الصح
نار الغل جوه قلبك
قايدة ومالها كبح
بالنميمة تشعللها
ترعى وتقدح قدح
حرام عليك كفاية
دا كل بذرة ولها طرح
لاالشوك هيطرح توت
ولاعمره هيطرح قمح
والمعون من اللى حاويه
لابد يكون منه النضح
والغدر قالوا بطال
ويكسح الوداد كسح

الغيث الوفير فاروق الباشا مصر