لا فرح بعدك يا ميهوب
ميهوب العزيز راهو فارقنا =من قبل رمضان لا ظهر ولابان
امالفين نشوفوه اشحال يفرحنا =اللون الجميل وحلو اللسان
يجي للعمل وهو في محنة =ما يعرف غتبة ما يعرف بهتان
يقري في الطلبة اخلاق وسنة =فلسفة وعلوم حتى من اليونان
الكرم والجود عندو تتهنى =في الجامع يسرع كي يسمع لاذان
يحب الخير للناس ما يحب الشحنة =متمسك بالدين واخلاق القرآن
يعمل بضمير يقدر المهنة =يشرح ويفصل ما يحب الكسلان
ما يحبش العوج واصحاب الفتنة =واذا مكروا اناس تلقاهو زعفان
وعلاش يا الميهوب ما ودعتنا =والا بيك تقول ما نحير لخوان
قالوا والفناه هو عشرتنا =ما نفرح الا ونشوفك بريان
قالوا الاطباء كملت مهنتنا =ذرك الامر بيد الديان
جات اخبار شينة زادت محنتنا =الميهوب الزين غادر الاركان
بناتوا صغار يوجدوا في الحنة =م العادة معاه مادئدة رمضان
يا بونا العزيزعلاش وحشتنا =ما يحلاش العيد لهذا الصبيان
تلقى القاعة حازنة في مدرستنا =طلبة تبكي دموعهم كالوديان
قالوا كان الاب كان يثقفنا =ما ظلم الطلاب في حتى امتحان
فقدك يا ميهوب راهو فتتنا =مللي رحت انت واحنا في الحزان
الشاعر : محمد قاسمي الحسني
