مصر الغاليه / الشاعر : رمضان عبد الله أحمد - مصر -

مصر الغاليه

تعرف ايه عن مصر الغاليه
كل مافيها يرد الروح
زور ويايا اهرامها العاليه
هتطلب تاني ان انت تروح

تعرف ايه عن مصر الغاليه
مصر الحره هواها جميل
تبقى فيها مكانتك عاليه
مصر حلوة نهارها وليل

تعرف ايه عن مصر الجنًه
مصر نارها علي الاعداء
رمله مصر لايدينا حنًه
اسم مصر ليه اصداء

تعرف ايه عن مصر وجيشها
مصر عزيزة وغنوة تعيشها
اولاد مصر فيها ماشيين
زي نسور ونافشه لريشها

مصر الغاليه وليها مكانتها
بكرمها الشعوب عرفتها
لتاريخها بييجوا يزوروها
كتبوا ياما فى محبتها

بقلمي / رمضان عبد الله أحمد